Einfaldar brauðbollur

Þessar bollur eru mjög algengar á lágkolvetna og ketósíðum og er uppistaðan í þeim eggjahvíta, husk og möndlumjöl. Þær þurfa góðan tíma í ofninum og áferðin er pínu svampkennd en henta mjög vel undir gott álegg, sem hamborgabrauð og fleira. Það má vel bæta í þær kryddi, setja sesamfræ á toppinn eða birkifræ sem gæti komið vel út.

innihald:

  • 80 g möndlumjöl, t.d. H- Berg
  • 35 g HUSK, í pokunum frá NOW
  • 1 tsk fínmöluð sæta
  • 1 kúfuð tsk lyftiduft
  • 3/4 tsk salt
  • 1 tsk hvítvínsedik má líka nota eplaedik
  • 250 ml soðið vatn
  • 3 eggjahvítur

aðferð:

  • Blandið þurrefnum saman í skál.
  • Sjóðið vatn og hellið saman við ásamt edikinu, eggjahvítur fara síðast út í og pískið kröftulega í deiginu.
  • Deigið dregur í sig vökvann svo gott er að láta það standa stutta stund.
  • Skiptið deiginu í 6 jafna hluta, mótið kúlu og dreifið á bökunarplötu.
  • Það er fallegt að setja smá fræ á toppinn en þó ekki nauðsynlegt.
  • Bakið í 50-60 mín í 160° heitum ofni með blæstri.
  • Þessar eru mjög góðar með smjöri og osti.