Kryddaðar Hrekkjavöku smákökur

Góðar súkkulaðibitakökur eru ómissandi með kaffinu í skítakulda og frosti og hér eru mjög bragðgóðar súkkulaðibitakökur sem koma manni í gegnum erfiðustu vetrarkvöldin. Ég nota súkkulaðið frá Sukrin og passaði að nota 2 stk sem eru um 4 netcarb hvort. Ég útbjó kryddblöndu í þessar sem ég geymi svo í krukku og get notað í annan bakstur líka.

Jólakrydd:

  • 30 g kanill
  • 15 g engifer
  • 5 g múskat
  • 10 g negull

aðferð:

  • Blandið öllu saman og geymið síðan í lokaðri krukku þar til bakstursgyðjan fer á stjá.

innihald kökur:

  • 125 g möndlumjöl
  • 1 msk jólakrydd
  • 1/2 tsk matarsódi
  • 1/3 tsk gróft salt
  • 80 g Sukrin súkkulaði hreint
  • 1 egg
  • 65 g brætt smjör
  • 80 g Sukrin gold síróp
  • 40 g Sukrin Gold
  • 1/2 tsk vanilludropar

aðferð:

  • Hrærið þurrefnum saman.
  • Blandið sýrópi, eggjum,smjöri og vanillu saman og pískið, hellið svo í þurrefnin og hrærið.
  • Setjið súkkulaðibitana að lokum út í og veltið saman.
  • Dreifið smákökudeigi í doppum á smjörpappír eða silikonmottu og bakið í 160° c með blæstri í ca 10-12 mín.
Hér fæst súkkulaðið t.d.