Avocado brownies

Þessar koma skemmtilega út en þær innihalda eins og kemur fram í titlinum, AVOCADO. Avocado er virklega góður ávöxtur en hann flokkast undir ávöxt og með þeim fáu ávöxtum sem eru æskilegir á Lág kolvetna mataræðinu. Avocado er stútfullt af vítamínum, fitusýrum, trefjum og potassium sem er einstaklega hjartvænt. Fitan í avocado er snilld fyrir okkur lágkolvetnafólkið svo því ekki að dúndra því í súkkulaðiköku.

Innihald:

  • 100 g sæta, má vera Good good, Sukrin Gold eða Monk fruit
  • 2 avocado
  • 2 egg
  • 1 tsk vanilludropar
  • 3 msk eða 60 g kókosolía
  • 100 g dökkt súkkulaði sykurlaust, mæli með 2 og hálfu Cavalier með dark cacaou nibs.
  • 1/4 tsk matarsódi
  • 1 tsk vínsteinslyftiduft
  • 90 g möndlumjöl t.d. H Berg
  • 1/4 tsk salt
  • 30 g kakó

aðferð:

  • Setjið fínmalaða sætu og avocado í blandara.
  • Bætið við eggjum, bræddri kókosolíu og súkkulaði og blandið vel saman
  • Færið maukið yfir í hrærivél ef blandarinn ræður ekki við meira magn. Bætið þurrefnum saman við og hrærið vel saman
  • Hellið deiginu í þunnt form 20 x 30 cm með smjörpappír og bakið í 180° heitum ofni í 20 mín.
  • Látið kökuna kólna vel áður en hún er skorin í bita.

aðferð með Thermomix:

  • Setjið sætu í skálina og malið í 30 sek / hraði 8
  • Bætið við avocado og maukið 30 sek / hraði 5
  • Skafið innan úr hliðunum
  • Bætið við eggjum, bræddri kókosolíu og súkkulaði og hrærið 30 sek / hraði 2
  • Bætið næst þurrefnum saman við og blandið rólega 20 sek / hraði 4
  • Hellið deiginu í þunnt form 20 x 30 cm með smjörpappír og bakið í 180° heitum ofni í 20 mín.
  • Látið kökuna kólna vel áður en hún er skorin í bita.
Fallegt að strá fínmalaðri sætu yfir