Creme brulee í Thermomix

Það er í raun alls ekki erfitt að gera þennan þekkta desert og þaðan af síður að gera hann sykurlausan. Hann í eðli sínu mjög ketóvænn ef við skiptum út sykri fyrir sætu enda meginuppistaðan rjómi og egg. Ég notaði laktósafrían rjóma í þessa uppskrift en fólk ræður því alveg, mér finnst laktósafríi bara fara betur í magann. Passið ykkur á að rjóminn sé ekki of heitur þegar hann blandast eggjunum og þeytið vel á milli. Sumir vilja koníak út í sitt creme brulee en aðrir vilja bara gott vanillubragð. Það er því bæði hægt að nota vanillustöng og skafa fræin úr eða nota vanillu extract (dropa). Mætti líka setja koníaksslettu með til að gera aðeins meira úmpf. Ég notaði svo Sukrin Gold sætu til að setja ofan á toppinn og hitaði með loga, en það má líka skella réttinum undir grill í 1-2 mín með sömu niðurstöðu og mikið einfaldara í rauninni.

innihald:

  • 6 eggjarauður
  • 500 ml rjómi, ég notaði laktósafrían
  • 1/4 tsk gróft salt
  • 1/4 tsk vanillukorn eða 1 vanillustöng klofin og skafið fræ úr.
  • 80 g sæta fínmöluð
  • 1 msk koníak, má sleppa
  • 60 g Sukrin gold til að setja á toppinn

aðferð í Thermomix:

  • Hitið ofn í 160° með blæstri
  • Setjið 60 g sætu í eldunarskál og malið 8 sek/hraði 8
  • Setjið síðan rest af hráefni í eldunarskálina, stillið á 5 mín / 60 °/ hraði 2.5
  • Finnið til 6 skálar sem þola hita og skiptið blöndunni jafnt á milli í skálarnar.
  • Hellið næst blöndunni í 6-8 skálar sem þola hita og setjið þær í eldfast mót í ofn. Hellið heitu vatni ca 80° í mótið svo það nái upp á miðjar skálar og bakið á 140° í 45 mínútur best að nota yfir og undirhita.
  • Látið búðinginn kólna í klt áður en settur í ísskáp og kælið í lágmark 3 klst, best að kæla yfir nótt.
  • Stráið síðan 1-2 tsk af Sukrin gold yfir hvern búðing áður en borið er fram og brennið með loga ef þið eigið slíkt tæki. Annars má hita ofn á grillstillingu og háan hita og skella skálunum undir grill í 2 mín til að bræða sætuna.
  • Berið fram beint eða skreytið með berjum, mintu og þeyttum rjóma,