Einfaldar bollur

Þessar bollur eru hrærðar og ótrúlega einfaldar. Mjög góðar með súpu, salati, áleggi og já bara hverju sem er þessvegna bara smjöri. Ég hrærði þær bara í skál, og bakaði í silikonformi sem ég nota annars fyrir muffins. Það má breyta frætegundunum.

innihald:

  • 200 g sýrður rjómi
  • 4 egg
  • 30 g kókoshveiti
  • 30 g möndlumjöl
  • 10 g fínmalað HUSK powder
  • 1/2 tsk salt
  • 1 tsk vínsteinslyftiduft
  • 2 msk chiafræ
  • 2 msk hörfræ
  • 2 msk graskersfræ

aðferð:

  • Hrærið vel eggin og sýrða rjómann saman.
  • Blandið svo þurrefnum vel saman með gaffli, hellið þeim saman við eggjablönduna og hrærið áfram.
  • Látið deigið standa í 5-10 mín ( mikilvægt ).
  • Setjið deigið í muffinsform, ég notað smurt silikonform og stráði nokkrum graskersfræjum ofan á.
  • Bakið í 20 mín á 180° með blæstri.
  • Það komu 12 agalega passlegar bollur úr þessari uppskrift.