Frækex með góðu biti

Gott hrökkkex er snilld sem millimál eða notað sem máltíð, t.d. undir túnfisksalatið okkar. Hér er uppskrift sem hefur verið að ganga um á netinu en ég breytti henni aðeins í hlutföllum enda hentar fullkomnlega að nota fræblönduna frá Himneskri hollustu í þessa uppskrift. Það verður úr ein bökunarplata af kexi sem dugar vel inn í vikuna. Það má bragðbæta kexið með því sem hentar, kúmeni, kryddi, kryddostum, parmesan og hverju sem er. Bleika saltið er ekki nauðynlegt en það er mjög gott.

innihald:

  • 1 x 250 g poki af blönduðum fræjum, Himnesk hollusta
  • 100 g ostur, má vera blanda af mosarella og parmesan líka
  • 1msk husk
  • 1/2 tsk bleikt salt eða gróft sjávarsalt
  • 1 egg
  • 1/2 dl vatn

aðferð:

  • Hrærið öllu saman í skál og smyrjið þunnt á bökunarplötu með smjörpappír.
  • Bakið á 170°með blæstri í 20 mín. Takið kexið út og skerið í ferning.
  • Látið kexið aftur í ofn í 10 mín og slökkvið svo á ofninum meðan það kólnar.