Graskersmús

Þessi kom sko á óvart enda vel krydduð og mæli með henni þegar veislu ber að höndum og kalkúni eða veislukjúklingur á borðum. Þetta minnir mig á sætkartöflumús svona ekta þakkargjörðar en mjög létt í maga og fljótlegt.

innihald:

  • 1 grasker Butternut, svona Barbapabba
  • 1 msk avocado olía
  • salt og pipar
  • 1/2 tsk kanill
  • 1/2 tsk chiliduft
  • 1/2 tsk hvítlauksduft
  • 1/2 tsk laukduft
  • 1/2 tsk múskat
  • 2 msk smjör

aðferð:

  • Hitið ofninn í 200 ° með blæstri
  • Skerið graskerið í 4 parta og takið fræin úr því.
  • Nuddið graskerið upp úr olíu og leggið á smjörpappírsklædda ofnplötu
  • Kryddið með salti og pipar
  • Hitið í ca 50 mín eða þar til graskerið er orðið mjúkt.
  • Skafið nú úr graskerinu og setjið í matvinnsluvél, ég nota Thermomix.
    Kryddið með kryddblöndunni og bætið smjöri saman við.
    Blandið öllu saman. Í Thermomix 30 sek / hraði 5
  • Berið strax fram, rjúkandi heitt og gott.