Hampfræ nammi

Þetta nammi er bæði hollt og gott fyrir þá sem þurfa að bæta vð smá fitu í mataræðið. Hampurinn er ótrúlega hollur og góður og er snilld fyrir fólk með exem t.d. Nammið er fljótlegt að gera og geymist vel í kæli eða frysti.

Innihald:

  • 200 g sæta, Good good
  • 40 g kakó
  • 150 g hampfræ
  • 100 g kókosflögur
  • 120 g hnetusmjör Monki t.d.
  • 2 tsk vanilludropar
  • 30 g smjör
  • 150 g kókosolía

aðferð hefðbundin:

  • Fínmalið sætuna í blandara og blandið saman við kakóið, kókosflögurnar ( ágætt að mylja aðeins flögurnar )og fræin.
  • Bræðið hnetusmjör, smjör og kókosolíu saman ásamt vanilludropum.
  • Blandið svo þurrefnum saman við og hrærið vel.
  • Hellið í form eða setjið í litlar hrúgur á smjörpappír og kælið.

aðferð með thermomix:

  • Setjið kakó og sætu í skálina 10 sek/ hraði 8
  • Bætið við hampfræjum og kókosflögum 5 sek / hraði 5
  • Bætið næst við hnetusmjöri, vanillu smjöri og kókosolíu og stillið á 4 mín/ hiti 80°/hraði 2 á öfugum snúning.
  • Hellið blöndunni í form eða búið til litlar hrúgur á smjörpappír og kælið.