“Heit” burrito

Það er alltaf stemming að gera tortillur og vefja upp burrito með ljúffengri fyllingu. Það var akkurat það sem við gerðum í kvöld og allir sáttir. Ég notaði rifinn mexícó ost og sýrðan rjóma til að smyrja á kökurnar og setti svo fahitas kjúkling inn í. Þetta var mjög bragðgott og æðislegt að setja burrito aðeins í ofninn með gratín osti. Ég bar þetta fram með tómatsalsa ,kóríander, lime og avocado og namm við elskuðum þetta.

innihald vefjur 4 stk:

  • 4 egg
  • 125 g rjómaostur
  • 30 g HUSK powder
  • 10 g kókoshveiti
  • 1/2 tsk salt
  • 1 msk Cajun krydd eða annað mexícokrydd

aðferð:

  • Blandið öllu innihaldinu saman með þeytara.
  • Setjið 4 doppur af deigi á smjörpappír.
  • Setjið annan pappír yfir og fletjið út.
  • Bakið í 15-20 mín á 160° á blæstri með pappírnum ennþá ofan á.

Fylling:

  • 1 bakki Fahitas kjúklingur frá Holta, það er líka hægt að steikja kjúklingabringur upp úr Cajun kryddi frá Kryddhúsinu og rífa niður.
  • 1 paprika
  • 1/2 mexícó ostur rifinn
  • 1 dós 36% sýrður rjómi eða 18% Habanero sýrður rjómi
  • salt og pipar
  • kóríander
  • lime
  • avocado
  • rifinn ostur

aðferð:

  • Blandið rifnum mexíco osti við hálfa dós af sýrðum rjóma.
  • Dreifið ostasósunni á kökurnar.
  • Raðið kjúklingabitum á kökurnar og niðurskorinni papriku.
  • Vefjið upp tortillunum og smyrjið yfir sýrðum rjóma og rifnum osti.
  • Bakið í ofni í um það bil 15 mín á 220° hita og gott að stilla á grill síðustu mínúturnar.
  • Berið fram með niðurskornum tómötum, avocado, kóríander, limesafa, salti og pipar og olífuolíu.