Heit kjúklingasúpa

Ég fer ekki ofan af því að elskhugi minn s.s.fyrir utan eiginmanninn býr í eldhúsinu mínu og heitir Thermo, þýskur stælgæi ! Ég er svo gjörsamlega háð þessari græju að það er vandræðalegt. En hvað um það, ég ákvað að skella í kjúklingasúpu til að klára úr ísskápnum allskonar grænmeti og úr varð þessi dýrindis mexíco súpa sem synirnir önduðu upp á núll einni. Ég gerði mér ostasnakk með henni til að fá nachos stemmninguna beint í æð en drengirnir fengu sitt Doritos. Þeir fengu nú samt að smakka ostinn og voru merkilega sáttir.

innihald:

  • 3 hvítlauksrif
  • 1 laukur
  • 1 rautt chilli
  • 2 msk olía
  • 6 litlar sætar paprikur eða 2 stórar
  • 300 g tómatar
  • 1 dós maukaðir tómatar, MUTTI eru góðir
  • 2 dósir vatn
  • 1 msk paprikuduft
  • 1 tsk cumin
  • 2 tsk karrý
  • 1 kjúklingakrafts teningur
  • 100 g rjómaostur
  • salt og pipar
  • 1-2 bakkar rifinn kaldur kjúklingur t.d. Holta
  • ferskt kóríander

Aðferð með Thermomix:

  • Setjið laukana saman í skálina ásamt chilli. Maukið í 3 sek á hraða 5. Skafið niður úr hliðum skálarinnar.
  • Bætið við olíu og steikið í 3 mín / 120° / hraði 1
  • Bætið við tómötum, papriku og maukið aftur 5 sek á hraða 5
  • Bætið nú við tómötum í dós og bætið við 2 dósum af vatni í skálina, kryddið og bætið einnig kjúklingakraftinum við.
  • Sjóðið núna í 15 mín / 100°/hraði 2.
  • Að lokum er rjómaostur settur saman við og súpan maukuð í 1 mín á hraða 5-7.
  • Setjið kjúklinginn út í súpuna og hrærið á öfugum snúning í 2 mín á hraða 1.
  • Súpan er klár og gott að bera fram með fersku kóríander, rifnum osti, 36% sýrðum rjóma og ostaflögum.

OStaflögur:

  • 2 bollar af rifnum cheddar osti
  • 1 bolli rifinn mosarellaostur
  • 2 msk hörfræmjöl
  • 1 tsk cumin
  • 1/2 tsk chillipipar

Aðferð:

  • Hitið ofninn í 170°
  • Kryddið rifinn ostinn og blandið saman ásamt hörfræmjölinu.
  • Setjið litlar hrúgur af osti á smjörpappír með jöfnu millibili.
  • Bakið á blæstri í 5-10 mín eða þar til vel stökkt. Passið að fylgjast vel með því osturinn bráðnar hratt.