Hrökkkex með möndlumjöli

Þetta ostahrökkex er úr bókinni minni Brauð og eftirréttir, ég var búin að gleyma hvað það var bragðgott þangað til ég sá það aftur í saumaklúbb hjá vinkonu minni og ætla því að deila því hér með ykkur kæru bloggvinir.

Þetta er afar einföld uppskrift og koma um það bil 15-20 kex úr magninu.

innihald:

  • 1 egg
  • 3 msk rifinn ostur
  • 80 g möndlumjöl EKKI FITUSKERT
  • 50 g fræblanda, t.d. grasker, hörfræ, sólblóma, hampfræ..
  • 1 tsk ólífuolía
  • 1 tsk gróft sjávarsalt
  • 1-2 msk oregano, eða rósmarín krydd líka gott
  • parmesan duft stráð yfir í lokin, má sleppa

aðferð:

  • Blandið öllu hráefninu saman í skál eða hrærivél.
  • Smyrjið því á bökunarpappír og leggið aðra smjörpappírsörk yfir, þrýstið niður deiginu og mótið fallegan ferning.
  • Bakið kexið í 10 mín á 180°hita, takið þá kexið út, mótið hæfilega stórar rákir sem mynda kexstærðina með hníf og stráið parmesanosti yfir. Bakið í aðrar 5-8 mín og látið síðan kólna í ofninum.
  • Stökkt og bragðgott kex með hverju sem er.