Maðurinn minn er sérlegur aðdáandi einfaldra rjómatertna eins og hann var vanur að fá hjá ömmu sinni. Sú var svampbotn, súkkulaðikrem, rjómi og sulta og mögulega voru einhver fersk ber á henni. Hann er ekki mikið fyrir marengs og flöff svo ég gerði fyrir hann almennilega rjómatertu á bóndadaginn. Ég var ekki ánægð með botnana sem ég fann uppskrift af á netinu svo ég breytti bara súkkulaðibotninum mínum og gerði svampbotn úr honum sem kom miklu betur út. Hann fær því round two í kvöld. Ég nota frosin jarðaber til að gera berjacompot sem ég læt síga ofan í svampinn og hún verður mjög frúttí og góð þannig. Ef þið nennið ekki að gera berjablönduna þá mæli ég með því að setja hindberjasultuna frá Good good á botninn og setja svo einfaldlega súkkulaðibita í rjóma og skreyta með berjum. Uppskriftin hér að neðan er með einföldum botni svo ef þið ætlið í hnallþóruna þá bakið þið tvisvar botninn, ekki stækka uppskriftina það verður ekki eins gott deig.
Print
Ingredients
4 egg
100 g sæta sykurlaus Good good eða Nicks 50/50 sæta
1 dl rjómi MS
1 dl grísk jógúrt MS
20 g bragðlaus kókosolía brædd eða smjör
1 tsk lyftiduft
1/2 tsk matarsódi
50 g kókoshveiti
1/2 tsk salt
1 tsk vanilludropar
Directions
- Þeytið egg og sætu saman, því næst rjóma, grísku jógúrtina, smjör/olíu og vanilludropana.
- Bætið að lokum þurrefnum saman við. Látið deigið standa í smá tíma.
- Hellið deiginu í eitt silikonform hringlaga, mér finnst gott að pensla aðeins botninn með kókosolíu svo kakan festist ekki.
- Bakið í 20-30 mín á 170° hita. Látið kökuna standa í ofninum aðeins í lok bökunartímans svo hún nái að bakast í gegn. Hún fellur aðeins í miðjunni en það er í góðu lagi. Hún er mjúk og létt í sér.
Directions
- Sjóðið berin niður ásamt sætu og sítrónu.
- Maukið berin í blandara eða með töfrasprota.
Directions
- Þeytið rjómann og blandið súkkulaðibitum við helminginn á rjómanum. Setjið afganginn í sprautupoka.
- Stingið lítil göt í kökubotninn/botnana og hellið safanum af jarðaberjamaukinu hér og þar á botninn.
- Setjið rjómann með súkkulaðinu á botninn og svo næsta botn ofan á ef þið bakið tvöfalda uppskrift.
- Sprautið rjómadoppum allan hringinn og hellið svo jarðaberjamaukinu í miðjuna, skreytið með rjóma og ferskum jarðaberjum.
