Kjöt í karrý…

Kjöt í karrý er einn af mínum uppáhaldsréttum úr æsku hjá henni mömmu. Hún elskar ekkert endilega að elda en kjöt í karrý er hennar “thing” Hún sauð alltaf fullan pott af kartöflum, annan pott af snjóhvítum hrísgrjónum og bakaði svo upp geggjaða karrýsósu fyrir okkur sem við sleiktum af diskunum. Ég reyndi ekki einu sinni að leika þetta eftir fyrr en nú um daginn þegar ég gafst upp og púkinn í mér heimtaði að fá kjöt í karrý !!!

Þetta var auðvitað lítið mál, sósunna gerði ég úr piparosti og rjóma, halló og grjónin auðvitað blómkálsgrjón sem gerðu mér einfaldlega kleift að borða meira af kjötinu góða og sósu haha allir græða. Ég mæli með þessari karrýsósu á hvað sem er og þú verður ekki svikinn af bragðinu.

innihald:

  • lambakjöt, súpukjöt eða lærisneiðar
  • olía
  • karrý
  • salt/pipar
  • vatn

Aðferð:

  • Gott er að steikja kjötið aðeins upp úr olíu og krydda með salti, pipar og karrý áður en það er sett í pott með vatni.
  • Ég sauð kjötið í um það bil 60 mín og það varð dásamlega meirt og gott.

Sósa:

  • 1 hringlaga piparostur
  • 1 dl rjómi
  • 1 súpukraftsteningur, lamba eða kjúklinga
  • 2 dl vatn eða nota soðið af kjötinu
  • 1 kúfuð msk karrýduft

aðferð:

  • Rífið niður piparostinn og setjið í pott ásamt soði(vatni) rjóma, karrý og krafti.
  • Látið suðuna koma varlega upp og hrærið stöðugt í pottinum svo ekkert brenni við.
  • Ég bar fram blómkálsgrjón með þessum rétti en ég reif þau niður, og gufusauð í 5-10 mín, má líka skella örbylgjuofninn, það mætti líka nota frosin blómkálsgrjón og hita upp.