Kókosbollu bollakökur

Já þið lásuð rétt því þetta krem…. það er alveg eins og fylling í kókosbollum. Með því að súkkulaðihúða kremið í lokin gerir alveg útslagið. Það má alveg nota súkkulaðikökubotn að eigin vali en á síðunni má finna nokkra mismunandi. Það mætti gera kúrbítskökusúkkulaðideig sem er hér fyrir neðan. Mæli líka með bollakökunum í þessari uppskrift hér.

Bollkökur

  • 4 egg
  • 250 g kúrbítur
  • 60 g kókoshveiti
  • 110 g sæta,Good good og Sukrin Gold t.d. í bland
  • 45 g kakó
  • 1/2 tsk kanell
  • 1/2 tsk matarsódi
  • 1 tsk lyftiduft
  • 1/3 tsk sjávarsalt
  • 55 g brædd kókosolía
  • 1 tsk vanilludropar

aðferð:

  • Rífið kúrbítinn niður með rifjárni eða í matvinnsluvél.
    Óþarfi að afvatna hann.
  • Blandið öllum þurrefnum saman og takið til hliðar.
  • Blandið næst eggjum, kókosolíu og vanillu saman við kúrbítinn, blandið svo öllu vel saman og gott að nota hrærivél eða
    Thermomix matvinnsluvél.
  • Bætið þurrefnum saman við og hrærið
  • Hellið deiginu í bollakökuform 12 stk
  • Bakið á 170 ° með blæstri í 15-20 mín.

Innihald krem:

  • 110 g ljóst sýróp Fiber
  • 1 eggjahvíta
  • 40 g fínmöluð sæta, Good good í blender eða nota Sukrin Melis
  • 50 g kókosmjöl
  • 1/2 tsk vanilluduft eða vanilludropar

aðferð:

  • Byrjið á því að píska eggjahvítu, sætu og sýróp í hrærivélaskál yfir vatnsbaði. Hér má setja vanilludropa ef þeir eru notaðir.
  • Þegar blandan er farin að þykkna aðeins og hvítna þá má færa skálina yfir í hrærivél og þeyta í þónokkrar mínútur eða þar til þykkt marengskrem myndast.
  • Bætið þá við 50 g af kókosmjöli og vanilludufti, ef þið notið það frekar en dropa og blandið varlega saman með sleikju.
  • Setjið fyllinguna í sprautupoka og sprautið hæfilegum toppum á kældar bollakökurnar.
  • Mér fannst æði að hita súkkulaði yfir vatnsbaði, dýfa kökunum á hvolf ofan í og kæla svo aftur, gott að nota 1 msk af kókosolíu í súkkulaðið til að þynna það út.

aðferð með thermomix:

  • Byrjið á að setja sætuna í skál, malið 10 sek/hraði 10
  • Vigtið næst kúrbít í skálina í stórum bitum, maukið 5 sek / hraði 5
  • Blandið nú þurrefnum í sér skál ofan á lokinu og notið vigtina, takið til hliðar.
  • Bætið eggjum við í skálina ásamt bræddri kókosolíu og þeytið 1 mín / hraði 5
  • Blandið næst þurrefnunum öllum saman við og hrærið saman 30 sek / hraði 5
  • Dreifið deiginu í muffinsform og bakið 15-20 mín á 170° með blæstri.