Kúrbítskryddbrauð með valhnetum

Kúrbítur er eitt af uppáhaldsgrænmetistegundunum mínum. Það er hægt að baka úr honum súkkulaðitertur, brauðbollur, nota í spaghetti, lasagna og svo margt fleira. Núna notaði ég hann í kryddbrauð með valhnetum og það kom mjög vel út. Ég nota að sjálfsögðu Thermomix græjuna í allt ferlið en það er að sjálfsögðu hægt að rífa niður kúrbítinn á annan hátt og nýta hrærivél í verkið. Mæli með þessu brauði, það er passlega sætt og gott með smjöri og osti. Munið bara að kreista vökvann vel úr kúrbítnum.

innihald:

  • 115 g smjör
  • 100 g sæta t.d. sweet like sugar
  • 5 egg
  • 1 1/2 kúrbítur
  • 1 tsk vanilludropar
  • 150 g möndlumjöl
  • 50 g kókoshveiti
  • 1/2 tsk salt
  • 1/2 tsk Xanthan gum
  • 1 msk lyftiduft
  • 1 tsk kanill
  • 50 g valhnetur, má sleppa

hefðbundin aðferð:

  • Rífið kúrbítinn niður með rifjárni og setjið í grisju eða sigti og kreistið sem mestan vökva úr honum takið til hliðar.
  • Setjið smjör og sætu í hrærivél og þeytið þar til smjörið er létt og ljóst
  • Bætið eggjum við einu og einu og þeytið á milli
  • Bætið við vanillunni og þurrefnumog hrærið saman í 1-2 mín
  • Setjið svo að lokum kúrbítinn og valhnetur saman við og hrærið vandlega saman.
  • Setjið deigið í form og látið standa í 15 mín.
  • Bakið svo við 170°hita með blæstri í 40-50 mín eða þar til hnífsoddur kemur hreinn upp úr kökunni. Kælið í forminu áður en skorið í sneiðar.

aðferð með Thermomix:

  • Rífið kúrbítinn niður 10 sek/ hraði 6 og setjið í grisju eða sigti og kreistið sem mestan vökva úr honum takið til hliðar.
  • Setjið smjör og sætu í eldunarskálina og þeytið 5 sek / hraði 5
  • Setjið fiðrildaspaðann í vélina og þeytið 2 mín / hraði 2.5
  • Bætið eggjum við einu og einu og þeytið á meðan 5 mín / hraði 2.5
  • Bætið við vanillunni og þurrefnum hrærið 20 sek/ hraði 5
  • Setjið svo kúrbítinn og valhnetur saman við og hrærið 2 mín / hraði 2.5
  • Setjið deigið í form og látið standa í 15 mín.
  • Bakið svo við 170°hita með blæstri í 40-50 mín eða þar til hnífsoddur kemur hreinn upp úr kökunni. Kælið í forminu áður en skorið í sneiðar.