Ostakaka hatarans

Mig langaði ægilega mikið í súkkulaðiostaköku og þar sem það var Eurovision partý framundan þá ákvað ég að gera hana dálítið í anda Hataranna. Ég skar út einfalt skapalón og stráði kakódufti yfir tilbúna kökuna og þetta kom bara skemmtilega á óvart. Skreytti svo með fánalitunum, rjóma, bláberjum og jarðaberjum og útkoman var nokkuð fín bara. Mæli með þessari. Og þessa þarf ekki að baka.

Innihald botn:

  • 180 g möndlumjöl
  • 3 msk kakó
  • 3 msk sæta
  • 80 g brætt smjör
  • 1 tsk vanilludropar

afðerð:

  • Blandið saman þurrefnum í skál
  • Bræðið smjörið og hellið yfir mjölið, hrærið vel saman
  • Þjappið kurlinu í springform eða fat og þjappið vel niður með sléttum fleti, t.d. botni á glasi.
  • Kælið

Innihald fylling:

  • 600 g rjómaostur
  • 200 g brætt sykurlaust súkkulaði ég notaði Choco Perfection
  • 200 g fínmöluð sæta
  • 1 tsk vanilludropar

aðferð:

  • Malið sætuna fínt og þeytið saman ásamt rjómaostinum
  • Bræðið súkkulaði yfir vatnsbaði, örbylgjuofni eða notið Thermomix og hellið svo volgu súkkulaði í rjómaostinn.
  • Bætið vanillu við og þeytið vel
  • Hellið fyllingu yfir botninn og sléttið úr.
  • Kælið og skreytið að vild. Það þarf ekki að fara all inn í Hatarann en í þetta sinn var það lokaútkoman.