Ostakaka með hnetusmjöri

Þessi er svakaleg bomba og smakkast eins og Snickersís !! Veit ekki hvenær ég borðað síðast snickers ís en þetta er allavega mjög líkt á bragðið haha. Ég nota mjöl í botninn frá Funksjonell sem er úr hnetum og kallast hreinlega hnetumjöl og það gerði rosalega gott bragð.

innihald botn:

  • 25 g hnetumjöl Funksjonell
  • 30 g bragðlaust prótín t.d. Now gætuð líka notað 1 msk kókoshveiti í staðinn
  • 135 g möndlumjöl
  • 30 g sæta fínmöluð t.d úr Good good sætu
  • 70 g brætt smjör
  • 1/4 tsk salt

fylling:

  • 200 g rjómaostur eða mascarpone
  • 250 ml rjómi
  • 180 g Monki hnetusmjör
  • 160 g fínmöluð sæta t.d. Good good
  • 1 tsk vanilludropar

aðferð:

  • Blandið öllu saman í botninn og hrærið. Gott að nota matvinnsluvél. Í Thermomix stilli ég á 5 sek / hraða 5
  • Bakið 10-15 mín á 180° og látið kólna alveg
  • Þeytið rjóma, gott að taka smá slettu og geyma til að skreyta.
  • Þeytið rjómaost , fínmalaðri sætu, og hnetusmjör saman ásamt vanillu, þeyttur rjómi er settur saman við í lokin og blöndunni dreift á kökubotninn.
  • Ég notaði Thermomix í að gera fyllinguna og byrjaði á að mala sætuna Turbo stilling 2 sek í tvö skipti, hrærði svo rjómaostinn, vanillu og hnetusmjörið saman við 1 mín / hraði 4 kælið. Blandaði þeyttum rjóma saman við 30 sek / hraði 2. Hellti svo yfir kökubotninn.
  • Skreytið með rjóma, hnetukurli og karmellu eða sýrópi.
  • Ég hellti svo bræddu súkkulaði yfir í mjóum taumum bara til að fullkomna lookið.
  • Best er að geyma þessa í kæli.