Pönnupizza – Sweet & Spicy

Já það er pizza á Dominos sem kallast Sweet & Spicy sem er syndsamlega góð en hvað gerir kona sem borðar ekki hveiti og dauðlangar í pönnupizzu með þessu geggjaða áleggi, pepperoni, rjómaosti, rauðlauk, ferskum chili og döðlum… og halló döðlur !!! það er no no á lágkolvetna svo ég bretti upp hugvitsermarnar og hófst handa við að umbreyta svo ég gæti notið eins og hinir krakkarnir. Ég ákvað því að nota chorizo ( finnst það betra ) og fiber sýróp sem staðgengla fyrir döðlur og pepperoni. Ég fékk mér springform í IKEA sem er hugsað sem kökuform og fór heim í pizzugerð. Ég prófaði núna að nota Pofiber trefjarnar frá Semper ( fæst í Bónus ) og það heppnaðist vel.

innihald botn:

  • 180 g mosarellaostur
  • 2 msk rjómaostur
  • 60 g möndlumjöl
  • 20 g Pofiber frá Semper, eða hörfræmjöl má nota möndlumjöl líka og þá eru 80 g möndlumjöl í uppskriftinni
  • 1 tsk eplaedik
  • 1 egg
  • 1/2 tsk salt
  • 1/2 tsk vínsteinslyftiduft

aðferð:

  • Hitið osta í örbylgjuofni í 30 sek í senn, þar til þeir eru orðnir vel fljótandi.
  • Bætið við eggi, eplaediki og mjöli og hrærið kröftuglega.
  • Fletjið út í smurt pönnuformið. Pikkið í deigið og setjið nokkra dropa af steikingarolíu t.d. OLIFA á botninn.
  • Bakið við 200°hita með blæstri í 10-15 mín.

aðferð í thermomix:

  • Setjið allt hráefnið í skálina
  • Hrærið deigið 2.30 mín / 70 °/ hraði 2.5
  • Takið deigið upp með sleikju og dreifið á bökunarplötu, gott að nota annan pappír yfir og fletja út.
  • Bakið við 200°hita með blæstri í 10-15 mín.

Álegg:

  • pizzusósa
  • 1/2 rauðlaukur smátt skorinn
  • 6 msk rjómaostur
  • chorizo pylsa eftir smekk eða pepperoni
  • 1/2 ferskur chili rauður
  • Fiber sýróp eftir smekk
  • pizzakrydd
  • mosarella

aðferð:

  • Þegar botninn er gylltur og tilbúinn þá er pizzusósan sett ofan á
  • dreifið álegginu yfir og kryddið
  • osturinn fer síðast á og olíu hellt í mjórri bunu yfir
  • bakið á 220° hita þar til osturinn er gylltur og bubblandi
  • dreifið sýrópinu yfir allt og njótið í botn