Rabbabarapæ

Já fyrsta uppskeran leit dagsins ljós nú fyrir skömmu og ég ákvað að drífa mig í að prófa eitthvað nýtt áður en rabbinn myndi tréna og úr varð þetta fína pæ með jarðaberjum og rabbabara í bland. Ég notaði grunninn af lemonkökubotninum sem klikkar ekki en notaði gróft möndlumjöl frá NOW sem kom vel út ásamt kókoshveitinu frá þeim.

Deigið

  • 120 g möndlumjöl frá NOW
  • 20 g hörfræmjöl NOW
  • 1 msk kókoshveiti frá NOW
  • 100 g macadamiuhnetur NOW
  • 60 g fínmöluð sæta Good good
  • 1/2 tsk salt 
  • 1 tsk kanill
  • 50 g smjör, ósaltað, kælt og brytjað niður í litla bita
  • 1 lítil eggjahvíta eða um 20 g úr brúsa
  • 1 tsk Xanthan gum en má sleppa

aðferð:

  • Setjið allt sem á að vera í deiginu í matvinnsluvél. Með Thermomix stilli ég á 20 sek/ hraði 4,5
  • Það er hægt að nota aðra blandara en mögulega minni skammta í einu.

ávaxtablandan sjálf:

  • 200 g frosin eða fersk jarðaber
  • 350 g rabbabari frosinn eða ferskur
  • 50 g sæta Erythritol frá NOW eða Good good sætan
  • 1 msk sítrónusafi

aðferð:

  • Hitið í potti á meðalhita, hrærið saman sítrónusafanum og kremjið frostið úr berjunum ef þau eru frosin. Bætið sætunni við og látið þetta malla í nokkrar mín.
  • Hellið blöndunni í eldfast mót, dreifið deiginu jafnt yfir blönduna og bakið í ofni í um það bil 20 mín á 180°hita, passið að mylsnan brenni ekki.
  • Þessi réttur er auðvitað dásamlegastur með þeyttum rjóma eða sykurlausum ís.