Rjómalöguð tómatsúpa

Það er svo mikil snilld þessi Thermomix græja að ég ætla að láta fylgja hér uppskrift sem er gerð frá grunni í þessari dásamlegu vél. Uppskriftin kemur upphaflega frá fyrirtækinu en ég sleppti sykri og bætti við smá chilli.

Innihald:

  • 1 hvítlauksrif
  • 50 g laukur , gulur
  • 30 g smjör
  • 700 g tómatar
  • 1 tsk salt
  • 1 stk oregano
  • 1 kjúklingakraftsteningur
  • 500 ml vatn
  • 100 g rjómi
  • 2-4 basilikulauf
  • 1 tsk chilimauk má sleppa
  • 70 g tómatpúrra eða nota Felix tómatsósu með stevíu

Aðferð:

  • Setjið lauk og hvítlauk í skálina og stillið á 3 sek/ hraði 5, skafið úr hliðum.
  • Bætið við smjöri og steikið 3 mín / hiti 120° / hraði 1
  • Bætið við tómötum, púrru eða felix, salti, og kryddi, stillið á 5 sek / hraði 5
  • Bætið nú við vatninu og kraftinum og sjóðið í 15 mín / hiti 100°/ hraði 2
  • Bætið við rjómanum, basiliku og hitið 1 mín/ hraði 4-8 aukið hraðann hægt og rólega.
  • Hellið súpunnni í skál, mér fannst geggjað að setja 1 msk af sýrðum rjóma 36% út á og bar fram með kúrbítsbollum.