Sörur í Thermomix

Það er vel hægt að gera sörur sykurlausar og ég hef prófað bæði með sírópi og sætu. Hér er uppskrift sem hefur ekki klikkað hingað til á hefðbundin hátt en núna prófaði ég að nota bæði sætuna og sírópið í Thermomix útgáfunni. Sumir elska kaffibragð og ég geri það en það mætti sleppa kaffiduftinu fyrir þá sem ekki fíla það. Ég fékk sirka 60 stk úr þessari uppskrift.

Ingredients

  • 120 g ljóst möndlumjöl mega vera hakkaðar í bland

  • 120 g Sweet like sugar sæta, fínmöluð

  • 4 eggjahvítur

  • 1/4 tsk salt

  • 1 tsk möndludropar ( gera mikið ) setja í lokin takk Fríða Dóra

Krem:

  • 250 g mjúkt smjör

  • 4 eggjarauður

  • 80 g Sweet like sugar sæta fínmöluð eða (40 g sæta og 50 g sykurlaust síróp, kom vel út)

  • 2 tsk kakó

  • 1 msk skyndikaffiduft

Súkkulaðibráð:

  • Cavalier dropar sykurlaust súkkulaði eftir þörfum

  • 3 dropar karmellustevía, má sleppa

aðferð botnar:

  • Þrífið skálina vel með ediki áður en byrjað er á botnunum
  • Malið sætu í eldunarskál í 8 sek/hraði 8
  • Bætið eggjahvítum við og þeytið með fiðrildaspaða án loks 8 mín / hiti 40°/hraði 4
  • Blandið möndlumjölinu varlega saman við marengsinn og setjið deigið í sprautupoka eða notið tvær skeiðar til að gera doppur á bökunarpappír.
  • Bakið á 140° með blæstri í ca 15 -20 mín. Takið út þegar botnar fara að gyllast og látið kólna á borði.
  • Snúið botnunum á bakið og látið þorna aðeins og stífna.

Aðferð krem:

  • Malið sætu, skyndikaffi og kakó í hreinni eldunarskál, 8 sek / hraði 8
  • Bætið eggjarauðum saman við ásamt sýrópi og þeytið í 2 mín með þeytara /hraði 4
  • Bætið mjúku smjöri saman við og þeytið áfram 3 mín/ hraði 3.5
  • Setjið skálina í kæli ef þið smyrjið ekki strax. Annars má smyrja á botnana og frysta.

AÐferð hjúpur:

  • Setjið sykurlaust Cavalier súkkulaði eftir þörfum í skálina.
  • Saxið súkkulaðið 8 sek / hraði 8
  • Stillið á 4 mín / 50°hita/ hraði 2
  • Bætið stevíu við ef þið viljið. Skafið niður úr hliðum og hjúpið sörurnar beint úr frystinum.