Subway súkkulaðibitakökur

Nú fara allir í jólabakstursgírinn, sérstaklega í þessu leiðinda viðvörunarveðri og hér er geggjuð uppskrift sem birtist fyrst í bókinni minni en ég ætla að hleypa hér á bloggið núna. Hún klikkar aldrei, bakið bara ekki of lengi og á of háum hita þá klikkar ekkert.

innihald:

  • 100 g smjör
  • 80 g Sukrin Gold
  • 2 egg
  • 1 tsk vanilludropar
  • 40 g möndlumjöl
  • 2 msk kókoshveiti
  • 1/4 tsk Xanthan Gum
  • 1/2 tsk matarsódi
  • 1/2 tsk gróft salt
  • 50 g sykurlaust súkkulaði t.d. 85% Cavalier
  • 50 g macadamiuhnetur eða brasilíuhnetur
  • 50 g marsipan, Sukrin, má sleppa

aðferð:

  • Þeytið saman smjör og Sukrin Gold.
  • Bætið egjum saman við ásamt vanilludropum og þeytið áfram.
  • Þurrefni fara næst út í blönduna og að lokum niðurbrytjaðar hnetur, súkkulaði og marsipan ef þið viljið nota það.
  • Látið deigið standa í 5-10 mín. Mótið kúlur með tveimur teskeiðum og dreifið á bökunarpappír ofan á ofnplötu.
  • Bakið í 8-10 mín með blæstri á 170° og passið að kökur brenni ekki.
  • Kökurnar verða stökkar og góðar þegar þær kólna.