Súkkulaðibollakökur með kaffikremi

Þessar eru rosalegar og skemmtilega öðruvísi með djúsí kaffismjörkremi. Fyrir þá sem elska kaffi þá eru þetta THE BOMB. Ég reiknaði gróflega út að í hverri köku miðað við 12 stk úr uppskriftinni þá eru ekki nema 2 netcarb og það finnst mér ansi gott. Stór og flottur skammtur fyrir einn sem fullnægjir alveg sætuþörfinni. Já og koffínþörfinni líka.

Innihald kökur:

  • 100 ml brætt smjör eða kókosolía án bragðs
  • 50 g kakó
  • 5 egg
  • 1 tsk vanilludropar
  • 1/2 tsk skyndikaffiduft
  • 50 g kókoshveiti
  • 1 1/2 tsk vínsteinslyftiduft
  • 120 g sæta
  • 1/3 tsk salt
  • 100 ml möndlumjólk

Aðferð:

  • Hitið ofninn í 170° með blæstri.
  • Þeytið saman egg og vanillu og bætið síðan saman við smjöri, kakó og kaffiduftinu.
  • Setjið næst kókoshveitið, sætuna, lyftidufti og salt og hrærið þar til létt. Hellið næst möndlumjólkinni saman við.
  • Deigið á að vera það þykkt að það sé hægt að moka því upp með skeið. Ekki fljótandi. Það er nauðsynlegt að nota gæða kókoshveiti í þessar.
  • Bakið kökurnar í 20 -25 mín.

Innihald krem:

  • 2 msk heitt vatn
  • 2 tsk skyndikaffiduft
  • 150 ml rjómi
  • 80 g Sukrin gold, malið fínt
  • 120 g smjör
  • 120 g rjómaostur

Aðferð krem:

  • Setjið heitt vatn og kaffiduft í skál og leysið upp.
  • Þeytið rjómann í skál og takið til hliðar.
  • Þeytið næst saman smjöri, rjómaosti og Sukrin gold þar til kremið er létt og ljóst, ef það kurlast upp þá er hægt að nota hárblásara til að mýkja það upp.
  • Ef það er of heitt og rennandi þá er hægt að setja ískaldan klút utan um skálina og kæla niður.
  • Hrærið nú saman við kaffiblöndunni og náið kreminu sléttu og felldu, blandið þá þeyttum rjómanum varlega saman við og þá er kremið klárt. Sprautið því á kældar bollakökurnar. Dustið yfir með kakói í sigti til að skreyta þær aðeins.