Súkkulaðitart

Já sæll, þetta er svo ótrúlega einföld og góð kaka að hálfa væri helmingur. Það er smá tími sem þarf í botninn, aðallega að bíða eftir að deigið kólni og svo er hún bökuð bara í 15 mín og látin kólna. Fyllingin er sáraeinföld og já þetta er bara geggjað góður eftirréttur eða veislukaka.

innihald botn:

  • 100 g möndlumjöl
  • 100 g macadamiuhnetur
  • 60 g fínmöluð sæta Good good
  • 1/3 tsk salt
  • 50 g smjör, ósaltað, kælt og brytjað niður í litla bita
  • 1 eggjahvíta eða um 20 g

aðferð:

  • Hitið ofninn í 170° með blæstri.
  • Smyrjið bökuform að innan með smjöri, best að nota form með lausum botni, líka hægt að nota silikon form t.d. lítil hjörtu og þrýsta þá deiginu upp á kantana.
  • Blandið saman í matvinnsluvél, möndlumjöli og macadamiuhnetum, sætu og salti. Bætið næst köldu smjörinu saman við og blandið vel saman.
  • Eggjahvítan fer síðast út í og aftur blandað. Gott að kæla deigið í 1-2 klt ef þið hafið tíma, annars er hægt að dreifa deiginu í smurt kökuformið og þrýsta því vel upp á kantana. Það er líka hægt að fletja út kælt deigið milli tveggja laga af smjörpappír og leggja formið yfir og hvolfa því eins og sést hér á myndum.
  • Stingið með gaffli í botninn á nokkrum stöðum. Bakið í ofni í 15 mín eða þar til kantarnir fara að verða gylltir. Takið út og látið kólna (skelin harðnar við kælingu).
  • Blandið fyllinguna á meðan bakan kólnar.

FYlling:

  • 200 g dökkt sykurlaust súkkulaði
  • 200 ml rjómi
  • 50 g smjör
  • 4 msk fínmöluð sæta
  • 1 / 2 tsk vanilludropar
  • klípa salt

aðferð:

  • Hitið rjóma í potti að suðu, þegar að fer að freyða í rjómanum þá er honum hellt yfir niðurbrytjað súkkulaðið í skál og hrært í þar til það leysist upp.
  • Blandið sukrin melis saman við og að lokum smjörinu. Hrærið vel þar til blandan er kekkjalaus og glansandi.
  • Þá er fyllingin tilbúin og hægt að hella ofan í litlar bökuskeljarnar (hjörtun) eða ofan í stóru bökuskelina úr forminu.
  • Geymið í kæli þar til fyllingin þéttist.
  • Borið fram með þeyttum rjóma og jarðaberjum.