Taco pæ

Ég rakst á þessa uppskrift á netinu en hún er afskaplega einföld og fljótleg fyrir þá sem hafa ekki mikinn tíma í dúllerí í eldhúsinu. Ég bjó til mitt eigið taco mix til að fá ekki sterkju og annað sem vill fylgja í tilbúnum taco blöndum og rétturinn varð vel kryddaður og bragðgóður. Eins breytti ég uppskriftinni aðeins, en ekki hvað og setti mexíco ost í blönduna og fækkaði eggjum. Ég mæli með fersku salsa með þessum rétti sem er fljótlegt og gott.

Taco pæ:

  • 500-600 g nautahakk
  • Tacoblanda:
  • 1 msk chiliduft
  • 1 1/2 tsk malað cumin
  • 1 tsk paprikuduft
  • 1/2 tsk hvítlauksduft
  • 1/2 tsk laukduft
  • 1/2 tsk oregano
  • 1/2 tsk salt
  • 1/4 tsk pipar
  • Fylling:
  • 4 egg
  • 1 mexíco hringostur, rifinn
  • 2 geirar hvítlaukur
  • 250 ml rjómi
  • 100 g rifinn ostur

aðferð:

  • Steikið hakkið á pönnu.
  • Kryddið með tacoblöndunni eins og hún leggur sig.
  • Setjið hakkið í eldfast mót og útbúið ostablönduna.
  • Pískið saman egg, rjóma og rifinn mexíco ost ásamt hvítlauk, mörðum eða notið tilbúið mauk frá Blue dragon.
  • Hellið blöndunni yfir hakkið og blandið henni aðeins saman við kjötið.
  • Dreifið að lokum ostinum yfir og bakið í ofni 180° í 20-30 mín eða þar til rétturinn er gullinn og hefur lyft sér.
  • Berið fram með heimagerðu salsa.

Salsa:

  • 10-15 kokteiltómatar skornir til helminga
  • 2 avocado
  • 1/2 rauðlaukur
  • 3 msk niðurbrytjuð steinselja eða kóríander
  • 2 msk sítrónusafi
  • 2 msk ólífuolía, mjög góð svona sítrónuolía líka
  • 1 tsk gróft salt og pipar eftir smekk

aðferð:

  • Skerið allt grænmetið smátt og blandið í skál.
  • Kryddið með sítrónusafa, salti og pipar og hellið svo olíu saman við. Þetta salsa verður bara betra með hverri mínútunni í ísskáp.