Tiramísú

Uppáhaldsdesertinn minn í öllum heiminum er Tiramisú. Það er bara þannig og ég gerði í því að leita uppi ítalska staði ef ég fór erlendis. Jú auðvitað stútfullir af sykri og hveitikökum en það er vel hægt að gera lágkolvetna útgáfu af Tiramísú svo hér er hún í öllu sínu veldi.

innihald kexfingur:

  • 3 egg aðskilin
  • 1/2 tsk vanilludropar
  • 3 msk fínmöluð sæta
  • 60 g möndlumjöl
  • 1 msk rjómaostur

aðferð:

  • Stífþeytið eggjahvítur og takið til hliðar, þeytið rauður rjómaost og sætu ásamt vanilludropum.
  • Bætið möndlumjölinu varlega við eggjablönduna og að lokum stífþeyttu eggjahvítunum.
  • Setjið deigið í sprautupoka og sprautið lengjum á smjörpappírsklædda plötu.
  • Bakið við 180° í 6-10 mín.

Innihald fylling:

  • 500 g mascarpone ostur
  • 130 g fínmöluð sæta
  • 2 egg og ein eggjarauða

Aðferð:

  • Þeytið eggin saman við sætuna þar til létt og ljóst
  • Bætið mascarpone ostinum saman við í skömmtum.

Kaffilögur:

  • 300 ml kaffi
  • koníakssletta, 2 msk, má sleppa eða nota rommdropa

aðferð samsetning:

  • Dýfið lady fingers í blönduna og raðið í fat.
  • Setjið fyllingu yfir og endurtakið þar til fylling hefur klárast.
  • Dreifið kakói yfir í lokin.
  • Geymið í kæli. Þessi eftirréttur verður betri með hverjum deginum.