Blómkálsrisotto

Blómkál er hægt að matreiða á ýmsa vegu og meðal annars er hægt að gera hálfgert risottó úr því eða blómkálsottó. Það var kona hjá mér á námskeiðinu um daginn sem sagðist nota piparost og sveppaost í sitt blómkál og ég varð auðvitað að prófa. Ég notaði Thermomix græjuna í verkið sem einfaldaði mér lífið heilmikið en það má að sjálfsögðu nota aðra matvinnsluvél, blandara, rifjárn og pott til að ná fram svipaðri útkomu.

innihald:

  • 1 blómkálshaus
  • 1/2 piparostur (hörðu ostarnir í hring)
  • 1/2 villisveppaostur (hörðu ostarnir í hring)
  • 200 ml vatn
  • 1/2 dl hvítvínsedik, eða hvítvín, má sleppa en mjög gott
  • kjúklingakraftur eða sveppakraftur teningur
  • salt og pipar

aðferð með Thermomix:

  • Skerið blómkál í grófar greinar og setjið í eldunarskálina.
  • Saxið 5 sek / hraði 5 
  • Takið blómkálsgrjónin til hliðar og setjið ostana í skálina
  • Saxið aftur 5 sek / hraði 5
  • Hitið ostana 2 mín/90°/ hraði 1.5
  • Bætið nú vatni saman við, ediki/hvítvíni og blómkálinu ásamt krafti og sjóðið allt saman 15 mín / 100° / sleifarstilling- öfugur snúningur
  • Kryddið til eftir smekk með salti og pipar
  • Berið fram með kjúklingabringum, kjöti eða hreinlega bara borðið eitt og sér með góðu hvítlauksbrauði.

hefðbunind aðferð:

  • Rífið blómkálið smátt og takið til hliðar.
  • Rífið niður ostana og setjið í pott með vatninu, edik/hvítvíni og tening.
  • Látið suðuna koma upp og bætið þá blómkálinu saman við.
  • Hrærið reglulega í pottinum á meðalhita svo brenni ekki við og þegar blómkálið er farið að mýkjast aðeins þá er rétturinn klár.
  • Saltið og piprið eftir smekk og berið fram.