Kjúklingasalat með mæjó

Þetta klikkaðslega einfalda salat er ótrúlega bragðgott og mettandi. Það er bæði hægt að borða það eintómt en svo er það mjög gott á beyglur, hrökkex eða annað lágkolvetnabrauðmeti. Það mætti líka borða það úr kálblaði því það þarf ekkert annað. Það er sérlega gott að nota cumin í þessa uppskrift svo ekki sleppa því. Mæli eindregið með því kryddi.

Innihald:

  • 1 heill kjúklingur, kældur, hægt að kaupa dagsgamlan grillkjúkling víða í verslunum á hálfvirði
  • 150 g sellerí
  • 3 msk mæjones
  • 2 msk sýrður rjómi 18%
  • 1 tsk cumin
  • 1/2 dl möndluflögur
  • 1/2 tsk gróft salt
  • 1/2 tsk svartur pipar

Aðferð:

  • Rífið kjúklinginn gróflega niður. Setjið sellerí í matvinnsluvél eða skerið smátt.
  • Blandið mæjonesi og sýrðum rjóma saman og kryddið . Blandið svo kjúklingnum saman við ásamt mæjósósunni.
  • Dreifið möndluflögunum yfir og berið fram.