Blómkáls”skin”

Munið þið ekki eftir “potato-skins” forréttinum sem var alveg það besta á matseðlinum á Hard Rock hér í den, fyrir utan grísasamlokuna auðvitað ? Ég sakna einna helst þess að fá mér ekki bakaðar kartöflur lengur og svona kartöfluforrétti eins og eru enn mjög vinsælir á matsölustöðunum. En nú er málið leyst, blómkál er bara hið mesta undraefni og chia seed sem búið er að mala getur gert kraftaverk. Útlitið er allavega ekki að svíkja neinn og bragðið.. ja, við skulum segja að það hljóti að vera gott því unglingurinn á heimilinu bað um ábót, af soðnu blómkáli 😉  !!!

innihald:

  • 200 gr maukað blómkál
  • 1 egg
  • 2 dl rifinn cheddar ostur + 2 msk til að toppa með
  • salt og pipar
  • 1 tsk paprikukrydd
  • 1 msk Chia seed meal eða möluð chia fræ
  • 30 g sýrður rjómi til að setja á í lokin
  • 3 msk beikonkurl
  • graslaukur niðurklipptur

aðferð

  • Gufusjóðið fyrst blómkálið ca 1 haus.
  • Maukið nú allt innihaldið saman nema sýrða rjómann, beikonið og graslaukinn.
  • Setjið í skeljamót og bakið 180 gráðum, þar til gyllt. Það má líka sprauta aflöngum doppum á smjörpappír ef þið eigið ekki hentugt form.
  • Takið “blómkálsskinið” úr mótinu, setjið í bökunarpappír og stráið beikonkurli yfir og dálitlu af rifnum cheddar.
  • Hitið aftur í ofni þar til “bátarnir” hafa brúnast vel og svo berið þið þá fram með tsk af sýrðum rjóma og niðurskornum ferskum graslauk.